- PALAS
- PALASnomen Palatii Trevirensis, apud Ditmarum l. 6. c. 68. Propter hoc subdolae generationis furor accenditur, Palas a Trevirensibus contra Regem firmatur, ac terra haec, hactenus pacifica, crebris concremationibus quatitur etc. Mox, Obsidione etiam continuâ eos, qui Palas turbârant, in tantum constrinxit, ut fame et assiduâ impugnatione defatigati, aut interius perire, aut in potestatem Regis inviti deberent exterius venire. Adde Historiam Trevirensem in Spicilegio Acheriano Tom. XII. Regionem, cui Capellatii, vel Palas nomen erat, ubi terminales lapides Alamannorum et Burgundionum confinia distinguebant, memorat Amm. Marcellin. l. 18. ad quam Palatinorum Comitum nomenclaturam et originem referunt Aventinus, Rhenanus, alii: Sed a Palatio magis alii deducunt, ut iidem sint Comites Palatini et Comites Palatii, CAr. du Fresne Glossar. Vide voce Palatii Com. et Palatini: inprimis vero hîc infra, in Palas.
Hofmann J. Lexicon universale. 1698.